آئین جوان مرداں ، حق گوئی و بے باکی
اللہ کے شیروں کو آتی نہیں روبائی

روشنی اور گرمی خدا کے شیروں کی نمایاں صفات ھوتی ہیں وہ دشمن کے سامنے سینہ سپر ھوجاتے ۔ مکار اور بے شرم دنیادار لوگ اور زرپرست ، انسانی ، اخلاقی اور معاشرتی ذمہ داریوں کو فراموش کرکے صرف اپنے مفادات حاصل کرنے میں لگے رہتے ہیں ۔ وہ انہیں حاصل کرنے کے لیے ہر قسم کے مکرو فریب سے کام لیتے ہیں ، ظاہر میں وہ بڑے نیک پارسا ،دیندار ، انسانون کے ھمدرد ، بے لوث اور دولت سے بے نیاز بننے کی کوشش کرتے ہیں بعض اوقات وہ خدا کے احکام کی من مانی تاویلوں اور بزرگون سے محبت کے پردے میں سادہ لوح لوگوں پر اپنی دینداری اور پارسائی کا اثر ڈالتے ہیں تاکہ لوگ ان کی باتوں اور انکے آقاؤں کی مکارویوں کے چنگل میں پھنس سکیں ۔ مولانا روم نے ایسے نام نہاد دینداروں محب وطنوں اور ھمدردوں سے بچنے کی یوں تلقین کی ہے ۔
اے بسا ابلیس روۓ آدم است
پس بہ ہر دستے نہ باید داد است

(اکثر اوقات ابلیس انسان کی شکل میں ھوتا ہے ۔ اس لیے ہر ایک کے ہاتھ پر بیعت نہیں کرنی چاہیے )